Latè tranble Venezwela, de kou yonn-dèhè-lòt

7.2 èk 7.5 kouri-rel

 

Karakás, Venezwela : Se 6 adan 24 laliman-peyi-gouvelnen Venezwela a ki pran fè nan se latè-tranble taha eti moύn santi jík Puerto Rico otila an ago Razmare te kouri lawonn. Laboukann latè-tranble 7.2 kouri-rel la te nan 26 kilomèt lanbouk San Felipe nan laliman-peyi-gouvelnen Yaracuy èk laboukann latè-tranble 7.5 lan te nan 30 kilomèt lanbouk Vargás nan laliman-peyi-gouvelnen La Guaira, anni 39 sigond dèhè. Nan se 6 laliman-peyi-gouvelnen an ni La Guaira èk Yaracuy men ni Aragua (lanbouk Maracay), Carabobo (lanbouk Valencia), ni Distrito Capital (lanbouk-gouvelman-peyi Karakás la) epi ni  laliman-peyi-gouvelnen Falcon lan, 902.427 moύn, eti gran-lanbouk la se Coro. Tousa pou konprann sa eti toύt laliman-peyi-gouvelnen taha pa ka jere an bidím latè-tranble konsa epi se menm matjoukann-kòtòf la.

Se nan Estado La Guaira, oliwon 400.000 moύn otila ni plís  moύn ki djigilòp anba masonn ki degrenngole. Asou toύt Venezwela, yo ja ka konte 1.400 epi moύn  ki alelouya-zakasia èk plís pase 50.000 moύn ki djigilòp. Se nan laliman-peyi-gouvelnen La Guaira, adan se lanbouk Caraballeda epi Playa Grande otila ni plís káy epi káwbe ki kraze.

Aragua eti ni 2,4 million moύn pa se pe nan menm rel epi Distrito Capital de Caracas (Baruto Chacao El Hatillo, Libertador, Sucre toύt se lanbouk taha adan) pa se pe ka konte moύn tankon Yaracuy 600.852 moύn nan 2011, ka konte. Se pou konprann an latè-tranble pa ka ni menm wách-dèhè a anlè kantináj moύn an laliman-peyi-gouvelnen pou anlòt. Lòtbòtsáy, silon fondokte latè-tranble a èk silon fondás la, tè-anni-sáb, tè-anni-wòch oben tè-tíf, pa ka kraze káy epi menm djokte a.  

Ale li TeleSur èk Prensa Latina